第三回: 私家偵探兼職招聘面試 - [ 對話內容 ]
- 安心調查中港私家偵探社
- 2021年8月10日
- 讀畢需時 2 分鐘
已更新：2月6日
(註意: 本文尾段附帶2025女私家偵探招募連結)
上回提到，作為私家偵探招聘需要什麼條件，曾經有人來主動求職應徵，以下是當時私家偵探招聘對話內容：
私家偵探社主任：點解你會嚟見工私家偵探兼職嘅？
求職者：我覺得做私家偵探應該能揾好多錢，加上我幾有天份...所以嚟見工囉。
私家偵探社主任：你以前有冇呢行相關工作經驗？
求職者：有呀...我從小到大都經常睇私家偵探小說。
私家偵探社主任：你前職喺咪負責揸車送貨？有無私家車牌或者電單車牌？
求職者：我冇車牌，如果有需要嘅話，我可以盡快去考。
私家偵探社主任：唔緊要，冇問題。其實我地有職業司機負責揸車嘅。
私家偵探社主任：我地嘅工作經常都要寫一啲簡單嘅中文或者英文報告比客戶。當然，我地唔洗好似大學畢業嘅記者一樣，要寫啲長篇大論嘅文章。簡單嘅英文書寫，可以嗎?
求職者：中文我無問題，但係我英文DSE不合格，英文就有啲難處。
私家偵探社主任：唔緊要，冇問題。我地有英文書寫能力比較好嘅隊員可以幫忙處理。
私家偵探社主任：我地呢行好多時要按客戶需要不定時工作，基本上無固定上班時間，今日可能大清早5點開工，聽日可能通宵工作至零晨2,3點，你可以嗎？
求職者：我依家同女朋友同居，佢返朝九晚5.....希望盡可能嘅話，安排我日班工作啦...我希望多啲時間陪女朋友。
私家偵探社主任：唔緊要，冇問題。我地大部份同事都係單身男女，可以互相替補時間。
私家偵探社主任：我地呢行對於客戶嘅個人私隱保障要求好高...基本上除咗有份協助處理個案嘅同事之外，你唔能夠將工作資料透露比任何人知，包括你同居女朋友。呢方面有冇難處？
求職者：咁有啲難處...我女朋友每日放工都要檢查我個電話，睇下我有冇同其他異性傾計，好難唔話比佢聽我返工做過啲咩。
私家偵探社主任：面試到呢度差不多完啦，你有冇問題想問我呢？
私家偵探牌問題留待下回解答......
請問如果你是上述私家偵探社主任的話，你會不會聘請他呢？
