top of page
  • 作家相片安心調查中港私家偵探社

第18回: 私家偵探小常識: 為何連「9字頭」的電話號碼也是詐騙電話?

香港政府自從2023年3月開始,為咗打擊詐騙電話犯罪,實行咗電話卡實名制。但係香港市民每日都仲係會收到好多可疑嘅詐騙電話。


以前,詐騙嘅滋擾電話主要係 [ +852字頭 ]、[5字頭] 同埋 [3字頭]。不過而家情況仲加劇,連「9字頭」或者「6字頭」嘅私人手機號碼都變成詐騙電話嘅來源。


唔少人都好奇問我哋私家偵探,話唔係實名登記咗嗎?點解連[9字頭]嘅號碼都有詐騙電話?


以上問題, 我哋私家偵探社為你詳細解答。



詐騙可疑電話信息
詐騙可疑電話信息

最近消息話,可疑嘅手機號碼來電有九成係有實名登記嘅,其中好多係犯罪集團喺黑市買咗嘅手機號碼。


犯罪集團買咗號碼之後,會用俗稱嘅「貓池」電話數據機,係短時間內,大量打出詐騙電話。


造成今日這個局面, 其中一個原因係,而家嘅電訊條例未有完全有效規管借出電話號碼或者代人登記嘅行為,所以不法份子有機會係黑市買他人的實名登記電話號碼作非法用途。


另外,仲有好多用虛假身份資料登記嘅電話號碼。因為一旦完成實名登記,電話號碼就可以即刻啟用,已經有案例發現不法份子用偽造嘅身份證、虛假護照,或者冒充其他人身份嚟登記,然後立即打出大量詐騙電話同埋發詐騙訊息。因為電信公司無能力驗證登記文件嘅真偽,所以當政府、警察或者電信監管機構收到投訴,封鎖或者取消詐騙電話嘅登記之後,已經太遲,好多受害人已經受到滋擾。


另外,有啲騙徒仲用咗俗稱「交換機」嘅電話設備,可以轉換顯示嘅電話號碼。所以,市民單靠來電顯示唔能夠分辨真正嘅電話來源號碼。


而家,除咗收到顯示「+852」開頭嘅電話,基本上可以肯定係「假電話」之外,其他嘅例如[9字頭]嘅號碼,就需要親自接聽或者依賴類似HKJunkCall嘅軟件嚟攔截可疑電話,協助識別。


最後本私家偵探社提醒大家一下,任何人明知而轉讓電話卡作非法用途,有機會觸犯《刑事訴訟程序條例》的。


Comments

Rated 0 out of 5 stars.
No ratings yet

Add a rating
私家偵探
bottom of page